Tarbiyyah Islamic Female Institute (TIFI)

Ang ‘aqeedah sa wika: Ito ay kinuha mula sa salitang (‘aqd) kontrata, at ito ay ang pagtali at paghigpit ng malakas. Sa pangrelihiyong terminolohiya: Ito ay tumutukoy sa mga bagay na dapat na pinapatotohanan ng puso, at napapanatag dito ang kaluluwa, hanggang sa maging tiyak at matibay, hindi nababahiran ng pag-aalinlangan at hindi nahahaluan ng pagdududa. Kaya ang ibig sabihin ng ‘aqeedah: Ito ay ang matibay na  paniniwala sa Allah , at sa anumang napapaloob dito sa Kanyang pagka-Diyos, sa Kanyang pagka-Panginoon, at sa Kanyang mga Pangaan at mga Katangian. At ang paniniwala  sa Kanyang mga Anghel , sa Kanyang mga  Aklat , sa Kanyang mga  Sugo , sa  Huling Araw , at sa  Qadar  mabuti man ito o masama, at sa lahat ng tamang naiparating na  mga katibayan  mula sa mga saligan ng relihiyon at mga bagay na  hindi nakikita  at ang mga nabanggit tungkol dito.

Kung ikaw ay tatanungin "Ano ang Iyong patunay na ang Allah ang Iyong Panginoon?", ano ang Iyong magiging sagot? Pakisagot ang inyong mga kasagutan sa comment box.

Katotohanan, ang sandali ng pagpasok ng tao sa Islam ang siyang pinakadakilang sandali ng kanyang buhay, at sa katotohanan ito ang tunay niyang kapanganakan, na kung saan ay kanyang natutunan pagkaraan nito ang dahilan ng kanyang pagkakaroon ng buhay dito sa mundong ito, at paano siyang mabuhay at mamuhay nang ayon sa mapagparayang Batas ng Islam.